06.02

Björgunarsveitirnar Dalbjörg úr Eyjafirði og Súlur á Akureyri eru nú á leið að Vegamótavatni, austan Hofsjökuls, að sækja slasaðan skíðamann. Er talið að hann sé úlnliðsbrotinn eftir fall. Maðurinn er breskur og hugðist ganga á skíðum þvert yfir landið að norðan, suður í Vík, í fjáröflunarskyni. Björgunarsveitir eru í símasambandi við manninn sem hefst nú við í tjaldi sínu og bíður aðstoðar. Fjórir bílar og fjórir vélsleðar eru á leið á slysstað og er gert ráð fyrir að ferðin taki nokkrar klukkustundir. Samkvæmt upplýsingum frá jeppamönnum sem voru á ferð á svæðinu í gær er færðin þung fyrir bíla en ágæt fyrir sleða. Verið er að skoða hvort þyrla LHG geti sótt manninn

05.02

04.02

Nú er nýhafinn landshlutafundur SL á Kirkjubæjarklaustri en í honum taka þátt einingar félagsins frá Hellu að Höfn. Um 60 manns taka þátt í dagskránni sem stendur fram eftir degi og hófst á kynningu á heimasíðu og innri vef auk þess sem stjórnir eininga funda með stjórn félagsins. Síðar verða málstofur um ýmis málefni, svo sem Björgunarskóla, slysavarnamál, unglingamál, fjarskipti, hálendisvakt, Safetravel, aðgerðamál, fjáraflanir, fatnað og búnað, úthlutunarkerfi og fjölmiðlun.