Mikill viðbúnaður er nú á Keflavíkurflugvelli vegna lendingar vélar frá Icelandair. Virkjuð var boðunaráætlunin "Hættustig Rauður Keflavíkurflugvöllur" en í því tilfelli eru allar björgunarsveitir og aðrir viðbragðsaðilar á Suðurnesjum og höfuðborgarsvæðinu kölluð til. Aðilar frá höfuðborgarsvæðinu fara í Straumsvík og bíða þar en aðrir fara á "MÓT" sem er biðsvæði viðbragðsaðila á Keflavíkurflugvelli. Hátt í 40 hópar björgunarsveita bíða nú  við Straumsvík og Keflavíkurflugvöll eftir lendingu og telja þessi hópar um 150 manns auk aðgerðarstjórnenda í Keflavík og í Samhæfingarmiðstöðinni í Skógarhlið. Þessir björgunarsveitarmenn eru á bifreiðum tilbúnum til sjúkraflutninga auk stærri bifreiða sem geta tekið sitjandi farþega og eru með sérstaka þjálfun í fyrstu hjálp.